हामी सबैकाे संसारन्यूज

काठमाडौं । त्रिभुभन अन्तराष्ट्रिय विमानस्थल भन्सार कार्यालयका १३७ कर्मचारीले एकसाथ सामुहिक सरुवाको  माग गरेका छन् ।
हालै घटेको सुन तस्करी प्रकरणका कारण आफुहरुलाई विभिन्न निकायबाट दुःख दिईएको विभागका महानिर्देशकलाई सम्बोधन गरेर लेखिएको पत्रमा उल्लेखछ ।

सामुहिक सरुवा माग्नेमा विमानस्थलका ३५ अधिकृतसहित १ सय ३७ कर्मचारी रहेका छन् ।

पछिल्लो परिवेशमा सिर्जित लगभग ६० किलो सुन भन्सार चोरी/ छली जाँचपास भएको भन्ने घटनाक्रम पश्चात विभिन्न् निकायबाट गरिएिको अनुसन्धान तथा छानविनको बहानामा विभिन्न निकायहरुबाट हामीलाई विना कारण दुःख दिने तथा मानसिक रुपमा क्षतविक्षत बनाउने कार्यले कार्यालयमा रहि काम गर्न कठिनाई भएको महसुस भएको छ,’ उनीहरुले महानिर्देशकलाई लेखेको सामुहिक पत्रमा उल्लेख छ ।

उनीहरुले सुन तस्करी प्रकणको घटनाको दोषी जो कोहीलाई कानुन बमोजिम कारबाही गरियोस् भन्ने कुरामा कुनै द्धिमत नरहेको बताएका छन् । यद्यपी कर्तव्य पालनको शिलसिलामा खटिएका कर्मचारी माथि अनावस्यक धरपकड गर्ने, प्रमाण विना थुनामा राख्ने, संलग्नता भमएको येथेष्ट प्रमाण नहुँदा नहुँदै पक्राउ समेत गरी दुःख दिने नियत देखिएकोले कार्यालयमा उपस्थित भएर काम गर्ने वातावरण नभएको तथा कर्मचारीको व्यक्तिगत मनोवैज्ञानिक त्रास उत्पपन्न भएको समेत बताएका छन् ।