Sansar News
काठमाडौं । काठमाडौं आउँदै गरेको बस पाल्पामा दुर्घटना हुँदा २१ जना घाइते भएका छन्। घाइतेमध्ये दुई जनाको अवस्था गम्भीर रहेको प्रहरीले जनाएको छ।
गएराति सदरमुकाम तानसेनबाट काठमाडौं आउँदै गरेको लु २ ख १४०३ नम्बरको बस ब्रेक फेल तानसेन नगरपालिका ४ स्थित बारुदखानमा दुर्घटनामा परेको प्रहरीले जनाएको छ ।
जिल्ला प्रहरी कार्यालय पाल्पाका अनुसार घाइते २१ जनाको मिसन अस्पताल तानसेनमा उपचार भइरहेको छ । दुर्घटना भएको बसले दुईवटा मोटरसाइकलका र दुईवटा घरमा समेत क्षति पुगेको प्रहरीले जनाएको छ । दुर्घटनापछि प्रहरीले चालकलाई नियन्त्रणमा लिएको छ ।
फाइल फोटो
वि.सं.२०८० भदौ २९ शुक्रवार १०:१८ मा प्रकाशित
