हामी सबैकाे संसारन्यूज

काठमाडौं । सरकारले संविधान दिवसका अवसरमा प्रदान गरिने पदक वितरण नगर्ने निर्णय गरेको छ ।

सूचना सञ्चार तथा प्रविधि मन्त्री रेखा शर्माले यसबारेमा जानकारी दिँदै विभूषण वितरण कार्यलाई मर्यादित र थप व्यवस्थित गर्ने तथा विभूषणको गरिमा बढाउनका लागि संविधान दिवसको अवसरमा राष्ट्रपतिबाट प्रदान गरिने विभूषण वितरण यसपटक स्थगित गर्ने निर्णय भएको जानकारी दिइन् ।

विभूषण वितरण कार्यलाई मर्यादित एवं थप व्यवस्थित गरी विभूषणसम्बन्धी प्रचलित कानुनसमेतको अध्ययन गरी तीन महिनाभित्र प्रतिवेदन पेस गर्ने गरी कार्यदल गठन गरिने समेत मन्त्री शर्माले जानकारी दिइन् ।

त्यसैगरी नेपाल नागरिकता (तेस्रो संशोधन) नियमावली, २०८० स्वीकृत गर्ने तथा आमाको नामबाट नागरिकता पाउनुपर्ने नेपाली नागरिकको हक र गैर आवासीय नेपालीलाई प्रदान गरिने नागरिकताको विषय समेत कार्यान्वयन हुने गृहमन्त्रालयले जनाएको छ ।