Sansar News
काठमाडौं । युद्धग्रस्त देश इजरायलबाट २५४ जना नेपाली बोकेर नेपाल एयरलाईन्सको जहाज काठमाडौं उडेको छ ।
उनीहरु नेपाल बायुसेवा निगमको जहाजबाट स्वदेश फर्किएका हुन् । उक्त विमान राति १० बजेसम्ममा काठमाडौं त्रिभुवन अन्तराष्ट्रिय विमानस्थलमा अवतरण गर्ने बताइएको छ ।
स्वदेश फर्किन चाहने नेपाली नागरिकहरुको उद्धारमा परराष्ट्रमन्त्री एनपी साउद आफै इजरायल पुगेका छन् । उनले इजरायलमा रहेको नेपाली दूतावासका कर्मचारीहरुसँग त्यहाँका नेपालीको अवस्थाबारे बुझेको बताइएको छ ।
आफुहरु सकुशल रुपमा देश फर्किन पाएकोमा नेपालीहरुले खुसी व्यक्त गर्दै भिडियो सन्देशमार्फत् सरकारलाई धन्यवाद दिएका छन् ।
वि.सं.२०८० असोज २५ बिहीवार १७:०५ मा प्रकाशित
