Sansar News
काठमाडौं । राष्ट्रियसभाको भोली बस्ने भनिएको बैठक स्थगित भएको छ ।
भोली असोज ३० गते बस्ने भनिएको राष्ट्रिय सभाको बैठक अध्यक्ष गणेशप्रसाद तिमिल्सनाले स्थगित गरेका छन् ।
संघीय संसद सचिवालयका महासचिव डा. भरतराज गौतमद्वारा जारी सूचनामा राष्ट्रिय सभाका अध्यक्ष तिमिल्सनाले भोली दिउँसो १ बजे बस्ने भनिएको बैठक अर्को सूचना जारी नभएसम्मका लागि स्थगित गरेका हुन । सोहि सूचनामा अर्को बैठक अध्यक्ष तिमिल्सनाले तोकेको समयमा बस्ने बताइएको छ ।
उक्त सूचनामा भनिएको छ, ‘‘सम्माननीय अध्यक्षज्यूले अर्को सूचनाद्वारा तोकिएको मिति र समयमा बस्ने गरी स्थगित गर्नुभएको ब्यहोरा माननीय सदस्यहरूको जानकारीका लागि यो सूचना प्रकाशन गरिएको छ ।’
वि.सं.२०८० असोज २९ सोमवार १३:३० मा प्रकाशित
