Sansar News
काठमाडौं । बैंक तथा वित्तीय संस्थालाई पहिलो त्रैमासको वित्तीय विवरण सार्वजनिक गर्ने म्याद थपिएको छ । नेपाल राष्ट्र बैंकले आज एक सूचना जारी गर्दै वित्तीय संस्थालाई पहिलो त्रैमासको वित्तीय विवरण सार्वजनिक गर्न म्याद थपेको हो ।
राष्ट्र बैंकका अनुसार बैंक तथा वित्तीय संस्थाले कात्तिक १७ गतेभित्र पहिलो त्रैमासिकको अपरिस्कृत वित्तीय विवरण सार्वजनिक गर्न सक्नेछन् ।
बैंकहरुले त्रैमास सकिएको सात दिनभित्र अपरिस्कृत वित्तीय विवरण सार्वजनिक गर्नुपर्ने ब्यवस्था व्यवस्था भएपनि यसपाली दशैंको बिदा परेकाले बैंकहरुले समय थप गरेको राष्ट्र बैंकले जनाएको छ ।
बैंक तथा वित्तीय संस्थाले कात्तिक १७ गतेसम्म पहिलो त्रैमासको अपरिस्कृत वित्तीय विवरण सार्वजानिक गर्न राष्ट्र बैंकले सूचनामा भनेको छ ।
यसपालीको कात्तिक ७ गते दशैंको टीका रहेको छ । असोज २८ गतेबाट शुरु भइसकेको दशैंका लागि असोज ४ गतेदेखि ९ गतेसम्म बिदा दिइएको छ ।
वि.सं.२०८० असोज २९ सोमवार १४:०७ मा प्रकाशित
