Sansar News
काठमाडौं । मलेसियामा सम्पन्न एसीसी यू-१९ प्रिमियर कपको उपाधि जितेर नेपाली क्रिकेट टोली स्वदेश फर्किएको छ । यूएईलाई हराउँदै फाइनलमा जित निकालेको नेपाली क्रिकेट टोली बिहीबार स्वदेश फर्किएको हो ।
नेपाली टोलीलाई त्रिभुवन अन्तर्राष्ट्रिय विमानस्थलमा क्रिकेट एसोसियसन अफ नेपाल (क्यान) का पदाधिकारीहरूले स्वागत गरे । क्यानका पदाधिकारीहरुले फुलमाला खादाले स्वागत गरेका थिए ।
खेलाडीहरूको स्वागतपछि टोलीका मुख्य प्रशिक्षक जगत टमाटाले अब एसिया कप र विश्वकपका लागि चुनौती खडा भएको बताएका छन् ।
मंगलबार भएको खेलमा नेपालले निर्धारित ५० ओभरमा २८० रनको लक्ष्य प्रस्तुत गरेको थियो । जवाफी ब्याटिङमा उत्रेको यूएईले २ विकेट क्षतिमा ५२ रन बनाएको अवस्थामा वर्षाका कारण खेल लामो समय अवरुद्ध भएको थियो ।
वि.सं.२०८० कात्तिक ९ बिहीवार ११:४२ मा प्रकाशित
