हामी सबैकाे संसारन्यूज

काठमाडौं । नवलपरासी (बर्दघाट, सुस्ता पूर्व) देवचुली नगरपालिकाले तिहार, छठ लगायतका पर्वहरुमा प्लाष्टीकजन्य फूलमाला प्रयोग नर्गन अनुरोध गरेको छ ।

नेपाल सरकारले वातावरण संरक्षण ऐन, २०७६ को दफा १५ (१) ले दिएको अधिकार प्रयोग गरी राजपत्रमा प्रकाशित सूचना अनुसार प्लाष्टिक जन्य फूलगुच्छा उत्पादन, आयात र बिक्री वितरण वा भण्डारण गर्न पूर्णरुपमा रोक लगाउने निर्णय गरेको जानकारी सहित नगरपालिकाले यस्तो सूचना जारी गरेको हो ।

‘नजिकिदैं आइरहेको नेपालीहरुको महान पर्व तिहार, छठ जस्ता पर्वहरुमा प्लाष्टिकजन्य फूलमाला तथा पटकाजन्य विष्फोटक पदार्थहरुको उत्पादन, आयात, विक्रि, वितरण र भण्डारण नगर्न/नगराउनुहुन अनुरोध छ ।’ नगरपालिकाका प्रमुख हरिप्रसाद न्यौपानेद्वारा जारी विज्ञप्तिमा उल्लेख छ ।