Sansar News
काठमाडौँ । प्रधानमन्त्री पुष्पकमल दाहाल ‘प्रचण्ड’ले नेपाल संवत्लाई सरकारका दस्तावेजमा लेख्ने घोषणा गरेका छन् ।
शनिबार बिहान साहित्यकार पद्यरत्न तुलाधरको पाँचौँ स्मृति दिवसका अवसरमा काठमाडौँमा आयोजित कार्यक्रमलाई सम्बोधन गर्दै उनले यस्तो घोषणा गरेका हुन् ।
प्रधानमन्त्री ‘प्रचण्ड’ले नेपाल संवत नै राष्ट्रिय संवत भएकाले सरकारको दस्ताबेजमा लेख्न आवश्यक भएको बताए । उनले नेपाल संवत ११४४ आउँदै गरेको उल्लेख गर्दै अब नेपाल संवत राष्ट्रिय संवत भनेर मात्रै नपुग्ने बताए ।
प्रधानमन्त्री ‘प्रचण्ड’ले आफू प्रधानमन्त्री हुँदा नेपाल संवतलाई राष्ट्रिय संवतका रुपमा मान्यता दिएको स्मरण गरे ।
फोटो रासस
वि.सं.२०८० कात्तिक २५ शनिवार ११:५७ मा प्रकाशित
