Sansar News
सर्लाही । सर्लाहीमा पिकअप भ्यानले मोटरसाइकललाई ठक्कर दिँदा मोटरसाइकल चालकको मृत्यु भएको छ ।
ईश्वरपुर नगरपालिका -११ मा मंगलबार बागमती प्रदेश ०१ ०२६ च ०७५९ नम्बरको पिकअप भ्यानले ठक्कर दिँदा ३५ वर्षीय राजनारायण महतोको मृत्यु भएको जिल्ला प्रहरी कार्यालय सर्लाहीले जनाएको छ ।
ज्यान गुमाउने युवक सर्लाहीकै चन्द्रनगर गाउँपालिका– ३ का स्थायी बासिन्दा हुन् । उनी सवार ज २ प १७२५ नम्बरको मोटरसाइकललाई पिकअपले ठक्कर दिँदा महतो गम्भीर घाइते भएका थिए ।
उनको उपचारको क्रममा प्रादेशिक अस्पताल मलंगवामा मृत्यु भएको प्रहरीले जनाएको छ । दुर्घटनापछि प्रहरी भ्यानका चालकलाई पक्राउ गरेको छ ।
वि.सं.२०८० माघ ३ बुधवार ०९:४५ मा प्रकाशित
