हामी सबैकाे संसारन्यूज

काठमाडौं । काठमाडौं महानगरपालिकाले वडा नं बालुवाटारस्थित ललिता निवास क्षेत्रको सरकारी जग्गा सातदिन भित्रमा खाली गराउन निर्देशन दिएको छ ।

महानगरले स्थानीय सरकार सन्चालन ऐन, २०७४ को परिच्छेद १३ स्थानीय तहको सम्पत्तिको संरक्षण सम्बन्धी व्यवस्था अन्तर्गत दफा ९७ (१) ले काठमाडौं महानगरपालिका क्षेत्रभित्र रहेका सरकारी, सामुदायिक तथा सार्वजनिक सम्पत्तीको रेखदेख, मर्मत सम्भार तथा अन्य प्रबन्ध गर्नुपर्ने भएको भन्दै सूचना नै जारी गरेको छ ।

‘अत : यो सूचना प्रकाशित भएको मितिले ७ (सात) दिनभित्र ललिता निवास क्षेत्रमा रहेको व्यक्ति, कम्पनी तथा संघ संस्थाहरु सो क्षेत्रबाट हटी सरकारी सम्पत्तिको संरक्षण तथा उचित प्रबन्ध गर्ने कार्यमा महानगरपालिकालाई सहयोग गर्न अनुरोध गरिन्छ ।’ महानगरद्वारा जारी सूचनामा उल्लेख ।