Sansar News
काठमाडौं । त्रिभुवन अन्तर्राष्ट्रिय विमानस्थलबाट सुन जस्तो देखिने पहेलो धातुसहित एक जना पक्राउ परेका छन् । पक्राउ पर्नेमा काभ्रेपलाञ्चोक मण्डनदेवपुर नगरपालिका–५का भक्तपुर मध्यपुर ठिमी नगरपालिका–१ बस्ने ५२ वर्षीय नारायण कृष्ण श्रेष्ठ रहेका छन् ।
श्रेष्ठ सुन जस्तो देखिने पहेलो रङको धातुको पत्थर जडित करिब ४६ ग्राम २० मिलिग्राम तौलको औठी २ थान र करिब ४५ ग्राम ३६ मिलिग्राम तौलको सिक्री १ थानसहित गएराति पक्राउ परेका हुन् ।
नेपाल एयरलाईन्सको उडानद्वारा बैंककबाट काठमाडौं आएका उनलाई विमानस्थलको आगमन टनेल गेटमा जाँच गर्ने क्रममा पाइन्टको गोजीमा लुकाई छिपाई भन्सार छली लैजान लागेको उक्त धातुसहित उनलाई प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
फाइल फोटो
वि.सं.२०८० फागुन १७ बिहीवार १४:०३ मा प्रकाशित
