Sansar News
काठमाडौं । राष्ट्रिय सभा अध्यक्षमा नारायण दाहाल र युवराज शर्माले उम्मेदवारी दर्ता गरेका छन् । दाहाल सत्ता गठबन्धन (माओवादी केन्द्र)का उम्मेदवार हुन् भने शर्मा कांग्रेसका उम्मेदवार हुन् ।
दाहालको प्रस्तावकमा माओवादीका गोपीबहादुर सार्की र समर्थकमा एमालेका देवेन्द्र दाहाल तथा एकीकृत समाजवादीका बेदुराम भुसाल रहेका छन् । त्यसैगरी नेपाली कांग्रेसको तर्फबाट अध्यक्षमा उम्मेदवारी दर्ता गरेका शर्माको प्रस्तावकमा कांग्रेसकै आनन्दप्रसाद ढुङ्गाना र समर्थकमा लोसपाका किरणबाबु श्रेष्ठ रहेका छन् ।
राष्ट्रिय सभाका अध्यक्ष गणेश प्रसाद तिमल्सिनाको यहि फागुन २० गते कार्यकाल सकिए पछि अध्यक्षको पद रिक्त रहेको छ । राष्ट्रियसभा अध्यक्षको मतदान मंगलबार हुँदैछ ।
वि.सं.२०८० फागुन २८ सोमवार ११:५२ मा प्रकाशित
