हामी सबैकाे संसारन्यूज

काठमाडौं । प्रतिनिधीसभाको बैठक आज बस्दै छ । बैठक आज बिहान ११ बजे बस्ने भएको हो ।

आजको बैठकमा उर्जा, जलस्रोत तथा सिंचाई मन्त्री शक्ति बहादुर बस्नेतले “अन्तर्राष्ट्रिय सौर्य गठबन्धन(आई एस ए) को स्थापनासँग सम्बन्धित सम्झौता माथी सामान्य छलफल गरियोस”भन्ने प्रस्ताव प्रस्तुत् गर्ने कार्यसूची रहेको संसद् सचिवालयले जनाएको छ ।

त्यसैगरी, बैठकमा कृषि तथा पशुपंक्षी विकास मन्त्री ज्वालाकुमारी साहले “कृषि, सहकारी तथा प्राकृतिक स्रोत समितिकोक प्रतिवेदन सहितको खाद्य स्वच्छता तथा गुणस्तर विधेयक, २०७८ माथी छलफल गरियोस” र “खाद्य स्वच्छता तथा गुणस्तर विधेयक, २०८०लाई पारित गरियोस” भन्ने प्रस्ताव प्रस्तत् गर्ने कार्यसूची रहेको सचिवालयले जनाएको छ ।

बैठकमा उठेका प्रश्नहरुको अर्थमन्त्री वर्षमान पुनले जवाफ दिने कार्यसूची रहेको छ ।