काठमाडौं । निर्वाचन आयोगले अशोक राई नेतृत्वको पार्टी जनता समाजवादीलाई दलको रुपमा आधिकारीक मान्यता दिने निर्णय गरेको छ ।
आइतबार उपेन्द्र यादव नेतृत्वको जनता समाजवादी पार्टी नेपालबाट विभाजित भएर राईको अध्यक्षतामा गठन भएको जनता समाजवादी पार्टीलाई नयाँ दलको रुपमा आधिकारीक मान्यता दिन भन्दै आइतबारै आयोगमा निवेदन परेको थियो ।
आयोगको सोमबार बसेको बैठकले सो पार्टीलाई नयाँ दलका रुपमा दर्ता गर्ने निर्णय गरेको हो ।
जनता समाजवादी पार्टी नाम रहेको उक्त नयाँ दललाई राजनीतिक दलसम्बन्धी ऐन, ३०७३ तथा राजनीतिक दलसम्बन्धी नियमावली, २०७४ को नियम ५ बमोजिम दल दर्ता गर्ने गरी सोमबार निर्णय भएको भन्दै सो पार्टीलाई प्रमाणपत्र दिइएको छ ।
विभाजनपछि यस्तो बन्यो अशोक राई नेतृत्वको जसपा (नामावलीसहित)
वि.सं.२०८१ वैशाख २४ सोमवार १८:१२ मा प्रकाशित