हामी सबैकाे संसारन्यूज

काठमाडौँ । आज नेपाली बजारमा सुनचाँदी को मूल्यले नयाँ रेकर्ड राखेको छ । बिहीबार सुनको मूल्य प्रतितोला १ हजार ६ रुपैयाँले बढेको छ भने चाँदीको भाउ तोलामा ६० रुपैयाँले बढेको छ ।

नेपाल सुनचाँदी व्यवसायी महासँघका अनुसार बिहीबार छापावाला सुन प्रतितोला १ लाख ४० हजार रुपैयाँमा कारोबार भईरहेको छ भने हिजो छापावाला सुन प्रतितोला १ लाख ३८ हजार ४०० रुपैयाँमा खरिदबिक्री भएको थियो ।

तेजावी सुनको मूल्य एक लाख ३९ हजार ३०० रुपैयाँमा कारोबार भइरहेको छ भने हिजो तेजावी सुनको मूल्य एक लाख ३७ हजार ७५० रुपैयाँ रहेको थियो ।

त्यस्तै  आज चाँदी तोलामा ६० रुपैयाँले बढेर प्रतितोला १ हजार ८ सय ०५ रुपैयाँमा खरिद बिक्री भइरहेको छ । यो चाँदीको हालसम्मकै उच्च मूल्य हो । बुधबार चाँदी प्रतितोला १ हजार ७ सय ४५ रुपैयाँमा खरिदबिक्री भएको थियो।