back

द्वन्द्वमा बलात्कृत महिलाहरूको स्वास्थ्य अवस्था भयावह 

एघार जनामा क्यान्सर, आठ जनाको पाठेघर फाल्नुपर्ने

वि.सं.२०८१ असार ४ मंगलवार

345 

shares
RBB AD
NTC AD
Rastriya Swastha Sikshya Suchana Tatha Sanchar Kendra

काठमाडौँ । द्वन्द्वमा बलात्कारपीडित महिलाहरूको स्वास्थ्य अवस्था भयावह देखिएको छ । दुई हप्ताअघि ३८ जना पीडितको स्वास्थ्य परीक्षण गर्दा ११ जनामा क्यान्सर देखिएको छ ।

द्वन्द्वमा बलात्कारपीडित महिलाको राष्ट्रिय सङ्गठनकी संयोजक देवी खड्काले ३८ जनामध्ये ११ जनामा क्यान्सर देखियो बताइन् । उनले आठ जना महिलाको तत्काल पाठेघर फाल्नुपर्ने अवस्था रहेको समेत बताइन् ।

‘क्यान्सर देखिएका साथीहरूको कुन स्टेजको सङ्क्रमण हो भनेर थप परीक्षण भइरहेको छ ।’ संयोजक खड्काले भनिन्, ‘१० जनाको सेतोपानी बग्ने समस्या भएकोले औषधि चलाइएको छ भने बाँकीलाई मनोसामाजिक परामर्शको खाँचो छ ।’

उनले सङ्क्रमणकालीन न्यायसम्बन्धी कानुन समयमा नबन्दा धेरै पीडितहरूले ज्यान गुमाउनुपर्ने अवस्था देखिएको बताइन् । खड्काले सरकारका प्रतिनिधिहरूले कानुनलाई बेवास्ता गर्ने, विदेश भ्रमण र दिवसहरूमा रमाइरहने र पीडित नारकीय जीवन बाँच्न बाध्य भइरहनुपर्ने अवस्थाप्रति आक्रोश पोखिन् ।

शान्ति सम्झौताको १८ वर्ष पुगिसक्दा पनि सरकारले एक थान कानुन पनि नबनाएर पीडितमाथि मजाक गरिरहेको खड्काको आरोप छ ।सङ्गठनले पीडितहरूको स्वास्थ्य उपचारको लागि सञ्चालन गरेको यो चौथो स्वास्थ्य शिविर हो । यसअघि गत वर्ष पुसमा गरिएको तीन वटा स्वास्थ्य शिविरमा स्वास्थ्य परीक्षण गर्दा एक सय २७ जना पीडितमध्ये ८५ प्रतिशतमा मानसिक समस्या देखिएको थियो ।

पछिल्लो स्वास्थ्य शिविरमा स्वास्थ्य परीक्षण गराएका द्वन्द्वमा बलात्कार पीडितहरू नयाँ भूगोलका फरक पीडितहरू हुन्, जसले सङ्गठनको पहलमा पहिलो पटक स्वास्थ्य परीक्षण गराएका हुन् ।

वि.सं.२०८१ असार ४ मंगलवार १८:१४ मा प्रकाशित

NLIC AD
NABIL bank AD
ADBL AD
ह्वात्तै घट्यो सुनको मूल्य, आज बजारमा प्रतितोला कतिमा हुँदै छ कारोबार ?

ह्वात्तै घट्यो सुनको मूल्य, आज बजारमा प्रतितोला कतिमा हुँदै छ कारोबार ?

काठमाडाेँ  । स्थानीय बजारमा सुन र चाँदी दुबैको मूल्य ह्वात्तै...

रानीकोटको पहिरोले मध्यपहाडी लोकमाग अवरुद्ध

रानीकोटको पहिरोले मध्यपहाडी लोकमाग अवरुद्ध

त्रिवेणी (रुकुमपश्चिम) । मध्यपहाडी राजमार्गअन्तर्गत रुकुमपूर्वको सिस्ने गाउँपालिका–६ रानीकोटमा बुधबार...

मिटरब्याजसम्बन्धी निवेदनका चाङ

मिटरब्याजसम्बन्धी निवेदनका चाङ

महोत्तरी । स्थानीय प्रशासन तथा प्रहरी कार्यालयमा अनुचित लेनदेन (मिटरब्याज)सम्बन्धी...

नेपालमा लगानी, पर्यटन, रोजगारी सम्बन्धी ओमानमा अन्तरक्रिया कार्यक्रम

नेपालमा लगानी, पर्यटन, रोजगारी सम्बन्धी ओमानमा अन्तरक्रिया कार्यक्रम

काठमाडौं । नेपाली दूतावास, मस्कटको आयोजनामा नेपालमा निर्यात, व्यापार, लगानी,...

पूर्वीनाकाबाट आठ करोडभन्दा बढीको जडीबुटी निर्यात

पूर्वीनाकाबाट आठ करोडभन्दा बढीको जडीबुटी निर्यात

झापा । पूर्वीनाका काँकडभिट्टाबाट आर्थिक वर्ष २०८०÷८१ मा रु आठ...

नेपाली मूलका कार्की एलमिडा काउन्टीको आवास तथा सामुदायिक विकास सल्लाहकार बोर्डमा नियुक्त

नेपाली मूलका कार्की एलमिडा काउन्टीको आवास तथा सामुदायिक विकास सल्लाहकार बोर्डमा नियुक्त

विजय थापा, अमेरिका । अमेरिकाको क्यालिफोर्निया राज्यको एलमिडा काउन्टीको आवास...