हामी सबैकाे संसारन्यूज

काठमाडौं । जल तथा मौसम विज्ञान विभाग बाढी पूर्वानुमान महाशाखाले देशका विभिन्न नदीको जलसतह उल्लेख्य बढ्ने भएकोले उच्च सतर्कता अपनाउन अनुरोध गरेको छ ।

महाशाखाले मंगलबार एक सूचना जारी गर्दै आगामी ३ दिन कर्णाली र यसका सहायक नदीहरू पश्चिम सेती, भेरी, महाकाली, कोशी, नारायणी, बागमती र यसका प्रमुख सहायक नदीहरू तथा कमला, कन्काई, पूर्वी राप्ती, पश्चिम राप्ती, बबई नदीको जलसतह उल्लेख्य बढ्दो हुने पूर्वानुमान रहेकाले नदी तटीय क्षेत्रका कृयाकलापमा उच्च सतर्कता अपनाउन अनुरोध गरेको हो ।

त्यस्तै आज इलाम, झापा, मोरङ, सुनसरी, सर्लाही, रौतहट, बारा, पर्सा, रुपन्देही, कपिलवस्तु, दाङ, बाँके, बर्दिया, कैलाली, कन्चनपुर लगायतका आसपासका जिल्लाका नदीहरुमा आकस्मिक बाढीको मध्यम जोखिम रहने पूर्वानुमान गरिएकोले सावधानी अपनाउन समेत महाशाखाले अनुरोध गरेको छ ।

file-photo