back

काँग्रेस-एमाले आन्तरिक उथलपुथलको त्रासमा

वि.सं.२०८१ असार २६ बुधवार

4K 

shares
RBB AD
NTC AD
Rastriya Swastha Sikshya Suchana Tatha Sanchar Kendra

नारायण विश्वकर्मा (काठमाडौँ)। सत्ता सहकार्य गरेर अगाडि बढ्ने सहमति भएसँगै नेपाली काँग्रेस र नेकपा एमाले भित्र मन्त्री बाँडफाँडको विषयले प्रवेश पाएको छ । असार १७ गते मध्यरातमा आलोपालो सरकारको नेतृत्व गर्ने काँग्रेस-एमालेबिच सहमति बनेको थियो ।

असार १९ गते एमालेले समर्थन फिर्ता गर्दै सरकारबाट बाहिरियो । एमालेले सरकारबाट बाहिरिएपछि अल्पमतमा परेका प्रधानमन्त्रीले असार २८ गते विश्वासको मत लिँदै छन् । अल्पमतमा परेका प्रचण्डसँग प्रधानमन्त्रीको कुर्सीमा टाँसिरहनु नैतिकताहीन भएको भन्दै एमालेले राजीनामा माग्दै आएको छ । एमालेको मागमा टसमस नभएका प्रचण्डले विश्वासको मत लिएपछि मात्र नयाँ सरकार गठनको प्रक्रिया अगाडि बढ्छ ।

प्रधानमन्त्रीले विश्वासको मत लिने समय धेरै दिन बाँकी छैन । तर, काँग्रेस-एमाले भित्र मन्त्री बाँडफाँडको बहस चर्किन थालेको छ । काँग्रेसले ११ र एमाले १० वटा मन्त्रालय लिने सैद्धान्तिक सहमति भएको छ । ओलीले नेतृत्व गर्दा लिएका मन्त्रालय देउवाले नेतृत्व गर्दा दिने गरी मन्त्रालयको भागबन्डाको तयारी छ । तर, आ-आफ्ना पार्टीभित्र मन्त्रीको नाम टुङ्ग्याउन भने काँग्रेस-एमालेलाई फलामको चिउरा
चपाउनु जस्तै बनेको छ ।

देउवा पत्नीको मन्त्री बन्ने लाइन
ओली नेतृत्वमा बनेको सरकारमा जाने मन्त्रीहरूको नाम पठाउन नेपाली काँग्रेसलाई हम्मे- हम्मे पर्ने देखिएको छ । काँग्रेसमा देउवा, शेखर कोइराला, गगन थापा र शशाङ्क कोइरालाको छुट्टाछुट्टै गुट छ । उनीहरू कसरी आफ्नो गुटबाट बढी मन्त्री बनाउन सकिन्छ भन्ने कसरतमा लागेको देखिन्छ ।

हाललाई ११ मन्त्रालय पाउने एमालेसँगको सहमति भए पनि काँग्रेसमा दुई दर्जन बढी नेताहरूको नाम मन्त्री बन्ने आकाङ्क्षीको रूपमा चर्चामा छ । काँग्रेसमा चार-पाँच वटा गुट सक्रिय भएकै कारण ११ जना मन्त्रीको नाम कसरी टुङ्गो लगाउने भन्ने विषय भारी पर्ने देखिन्छ ।

सभापति र एमालेसँग सम्झौता गर्ने प्रमुख घटक भएकाले आफ्ना बढी मन्त्री हुनुपर्ने देउवा समूहको दाबी छ । यदि, देउवा समूहले मागे अनुसार मन्त्री पाएको खण्डमा अन्य समूह फायर हुने छन् । देउवाको समूहबाट उपप्रधानमन्त्रीसहित प्रकाशमान सिंह, विमलेन्द्र निधि, कृष्णप्रसाद सिटौलाको नाम बाहिर आएको छ । यी बाहेक रमेश लेखक, आरजु राणा, विनोद चौधरी, उदयशम्शेर राणा, किशोरसिंह राठोर, अजय चौरसिया, श्याम घिमिरेलगायत मन्त्रीको दौडमा छन् ।

शेखर कोइराला समूहबाट चन्द्र भण्डारी, बद्री पाण्डे, जीवन परियार, रामनाथ अधिकारी, तेजुलाल चौधरी, सञ्जय गौतमको नाम अगाडि आएको छ । गगन थापाले सांसद प्रदीप पौडेल, प्रतिमा गौतम लगायतलाई मन्त्री बनाउन सक्ने देखिन्छ । शशाङ्क कोइरालाको दीपक गिरी र दीपक खड्कामध्ये एक जनालाई मन्त्री बनाउने चाहाना छ ।

बन्लान् विष्णु पौडेल अर्थमन्त्री ?
अध्यक्ष केपी ओलीको नेतृत्वमा अब बन्ने भनिएको सरकारमा एमालेले १० वटा मन्त्रालय पाउने भएको छ । पार्टीभित्र किचलो नहोस् भनेर एकै पटक सबै मन्त्री नियुक्त गनेँ एमालेको तयारी छ । काम गर्न सक्ने व्यक्तिलाई मात्र सरकारमा पठाउने योजना सो पार्टीको रहेको छ ।

एमालेमा केपी ओली र विष्णु पौडेलबिच मन्त्रीको नाम टुङ्गाउने विषयमा लफडा हुने देखिन्छ । एमालेले अर्थ मन्त्रालय लिन चाहेको छ । अर्थमन्त्रीमा विष्णु पौडेलेको चर्चा चले पनि ओली उनलाई अर्थमन्त्री बनाउने मनसायमा छैनन् । पछिल्लो समय अध्यक्ष ओलीविरुद्ध गुट बनाएको आरोप लागेकै कारण पौडेल अर्थमन्त्री बन्न सक्ने अवस्था देखिँदैन ।

“काँग्रेस-एमाले भित्र मन्त्री बाँडफाँडको बहस चर्किन थालेको छ । काँग्रेसले ११ र एमाले १० वटा मन्त्रालय लिने सैद्धान्तिक सहमति भएको छ । ओलीले नेतृत्व गर्दा लिएका मन्त्रालय देउवाले नेतृत्व गर्दा दिने गरी मन्त्रालयको भागबन्डाको तयारी छ । तर, आ-आफ्ना पार्टीभित्र मन्त्रीको नाम टुङ्ग्याउन भने काँग्रेस–एमालेलाई फलामको चिउरा
चपाउनु जस्तै बनेको छ ।”

एमालेबाट सरकारमा ओलीले चाहेका मन्त्री सहभागी बन्ने देखिन्छ । यो पार्टीमा ओलीको लोली विरुद्ध नबोल्ने संस्कृति भएकाले उनैले चाहेका व्यक्तिहरू मन्त्री बन्न सक्ने सम्भावना छ । काँग्रेसको तुलनामा एमालेमा मन्त्रीहरूको आकाङ्क्षी कमी छन् ।

एमालेबाट पदम गिरी दोहोरिने सम्भावना छ । यस्तै ऋषिकेश पोखरेल, महेश बर्तौला, योगेश भट्टराईको नाम चर्चामा छ । युवा नेता ठाकुर गैरे, सूर्य थापा, दीपा शर्मा, गोकर्ण विष्ट, महेश बस्नेत लगायत पनि मन्त्री बन्ने दौडमा छन् । तर, मन्त्री बन्ने नामको अन्तिम निर्णय ओलीले नै पक्का गर्नेछन् ।

अहिलेसम्म काँग्रेस-एमाले बाहेकका दललाई सरकारमा सहभागी गराउने विषयले प्रवेश भएको छैन । राप्रपा, जसपा, लोसपा, नागरिक उन्मुक्ति पार्टीले अब बन्ने सरकारमा सहभागी हुन इच्छा देखाएका छन् । अन्य दल सरकारमा सहभागी भएको खण्डमा काँग्रेस-एमालेले पाउने भनिएको मन्त्रालयको सङ्ख्यामा तलमाथि हुने छ ।

एमालेलाई प्रचण्डको डर
नेकपा एमालेले प्रधानमन्त्री पुष्पकमल दाहाललाई पदबाट राजीनामा दिन लगातार दबाब दिइरहेको छ । दबाब दिनुको एउटै कारण हो संविधानको धारा ७६ (३) अनुसार ठुलो दलको हैसियतले काँग्रेस सभापति शेरबहादुर देउवा प्रधानमन्त्री बन्छन् कि भन्ने । प्रचण्डको ओली प्रधानमन्त्री बनुन् भन्ने चाहाना छैन ।

प्रचण्डले विश्वासको मत लिन खोज्नुका पछाडि धेरै विषय बाहिर आएका छन् । विश्वासको मत लिने समयसम्म नयाँ समीकरण अनुसार बनेको दलहरूकाबिच फाटो ल्याइदिएर खेल्न सकिन्छ कि भन्ने प्रचण्डको अभिप्राय रहेको कतिपयको बुझाइ छ ।

काँग्रेस-एमालेबिच संविधान संशोधन गर्ने गरी नयाँ समीकरण बन्न लागेको थाहा पाएका प्रचण्ड एकपटक झस्किएका छन् । शेरबहादुरलाई प्रधानमन्त्री बनाउन सके संविधान माथिको हमला रोक्न सकिन्थ्यो कि भन्ने प्रचण्डको विश्वास छ ।

दुई पटक संसद् विगठन गरेका ओलीलाई संविधानको कत्ति माया छैन भन्ने प्रचण्डलाई लागेको छ । त्यसकारण प्रचण्डले संविधानको धारा ७६को उपधारा (३) उपयोग गरेर शेरबहादुर देउवाबाट प्राप्त उपलब्धिको रक्षा गर्न चाहन्छन् भन्ने राजनीतिक विश्लेषकहरु बताउँछन् ।

प्रचण्डले चाहे जस्तो राष्ट्रपतिले संविधानको धारा ७६ को उपधारा (३) अनुसार संसद्को पहिलो ठुलो दल नेपाली काँग्रेसका सभापति शेरबहादुर देउवा प्रधानमन्त्री बनेको अवस्थामा ओली प्रधानमन्त्री हुनबाट वञ्चित हुनेछन् भने काँग्रेस-एमालेको समीकरण भत्किन सक्ने सम्भावना हुनेछ । यस्तो अवस्थामा एमाले काँग्रेसले त्यतिबेला सम्म बनाएका तयारी तथा सहमति तोडिने छ भन्ने कु्रा पनि राजनीतिक वृत्तमा चर्चा चलेको छ ।

 

वि.सं.२०८१ असार २६ बुधवार १८:४९ मा प्रकाशित

NLIC AD
NABIL bank AD
ADBL AD
सुदूरपश्चिमसहित पाँच प्रदेशका केही स्थानमा चट्याङ्ग सहित वर्षाको सम्भावना !

सुदूरपश्चिमसहित पाँच प्रदेशका केही स्थानमा चट्याङ्ग सहित वर्षाको सम्भावना !

काठमाडौं । हाल देशभर मनसुनी वायुको प्रभाव रहेको छ ।...

आज विश्वासको मत लिँदै प्रधानमन्त्री ओली

आज विश्वासको मत लिँदै प्रधानमन्त्री ओली

काठमाडौँ । प्रधानमन्त्री केपी शर्मा ओलीले विश्वासको मत लिदैछन् ।...

आज गुरुपूर्णिमा पर्व मनाइँदै

आज गुरुपूर्णिमा पर्व मनाइँदै

काठमाडौँ । आषाढ शुक्ल पूर्णिमाका दिन आज गायत्री, दीक्षा, वेद...

वन कार्यालयद्वारा ६३ वटा सर्पको उद्धार

वन कार्यालयद्वारा ६३ वटा सर्पको उद्धार

राँझा (बाँके) । डिभिजन वन कार्यालय बाँकेले गत आर्थिक वर्ष...

आइतबार विश्वासको मत लिँदै प्रधानमन्त्री ओली, विश्वासको मत दिन एमालेद्वारा ‘ह्वीप’ जारी

आइतबार विश्वासको मत लिँदै प्रधानमन्त्री ओली, विश्वासको मत दिन एमालेद्वारा ‘ह्वीप’ जारी

काठमाडौँ । नेपाल कम्युनिष्ट पार्टी (एमाले)ले प्रधानमन्त्री केपी शर्मा ओलीलाई...

महानगरद्वारा स्रोतमै फोहर वर्गीकरण गर्न आग्रह

महानगरद्वारा स्रोतमै फोहर वर्गीकरण गर्न आग्रह

काठमाडौँ । काठमाडौँ महानगरपालिकाले स्रोतमै फोहरको वर्गीकरण गरेर व्यवस्थापन गर्न...