Sansar News
काठमाडौं । नेपाली कांग्रेस र नेकपा एमाले नेतृत्वको सरकारले १८ देशका लागि नयाँ राजदूतको सिफारिस गरेको छ ।
मन्त्रिपरिषद्को सोमबार बसेको बैठकले १८ देशका लागि नयाँ राजदूत सिफारिस गर्नुका साथै अस्ट्रेलिया, चीन, श्रीलंका, रसिया र दक्षिण अफ्रीकाका राजदूतलाई फिर्ता बोलाउने निर्णय गरेको हो ।
बैठकले चीनका लागि राजदूत रहेका विष्णुपुकार श्रेष्ठ, रुसका लागि मिलन तुलाधर, अस्ट्रेलियाका लागि कैलाशराज पोखरेल, श्रीलंकाका लागि बासुदेव मिश्र र दक्षिण अफ्रिकाका लागि राजदूत रहेका दान बहादुर तामाङलाई फिर्ता बोलाउने निर्णय गरेको हो ।
त्यसैगरी सरकारले भारतका लागि शंकर शर्मालाई नै निरन्तरता दिने निर्णय गरेको बताइएको छ । साथै अमेरिकाका लागि राजदूतमा पूर्वमुख्य सचिव लोकदर्शन रेग्मी र बेलायतका लागि पूर्वसचिव चन्द्र घिमिरे सिफारिस भएका छन् ।
त्यस्तै स्पेनका लागि सनिल नेपाल, दक्षिण कोरियाका लागि शिवमाया तुम्बाहाङ्फे, मलेसियाका लागि नेत्र तिमल्सिना, चीनमा कृष्णप्रसाद ओली, पाकिस्तानमा रिता धिताल र दक्षिण अफ्रिकाको राजदूतमा कपिलमान श्रेष्ठ सफारिस भएको बताइएको छ ।
त्यसैगरी इजरायलमा धनप्रसाद पण्डित, पोर्चुगलका लागि प्रकाशमणि पौडेलको नाम सिफारिस गरिएको छ भने कतार, डेनमार्क, मलेसिया, पोर्चुगल,साउदी अरब र जर्मनीका लागि पनि नयाँ राजदूत नियुक्तिका लागि सिफारिस गरेको बताइएको छ ।
वि.सं.२०८१ साउन १४ सोमवार २२:१९ मा प्रकाशित
