हामी सबैकाे संसारन्यूज

काठमाडौँ । गत महिनाको असार २८ गतेको दिन सिमलताल पहिराले त्रिशूलीमा हराएका बस र बेपत्ता यात्रुको खोजी गर्न सरकारले चीनसँग पनि सहयोग माग्ने भएको छ ।

गृहसचिव एकनारायण अर्यालले संसदको राज्य व्यवस्था तथा सुशासन समितिमा यो जानकारी दिएका हुन् ।

उनले समितिमा भने, ‘खोजीका लागि चीन सरकारसँग पनि अनुरोध गर्ने तयारी गरिरहेका छौं।’

भारतीय उद्धार टोलीलाई परिचालन गर्दा पनि प्रयास निष्फल भएको  अवगत गराउदै उनले चिनसँग पनि सहयोग माग्ने  जानकारी दिएका हुन् ।

मुग्लिन –नारायणघाट सडकअन्तर्गत सिमतालमा गत असार २८ गते पहिरोमा परी दुईवटा बस त्रिशूलीमा बेपत्ता भएका थिए। ती बसमा सवार ६५ यात्रुमध्ये ३ जना पौडिएर बाँच्न सफल भएका थिए । अहिलेसम्म २४ वटा शव फेला परेका छ । अन्य यात्रु र बसको अवस्था पत्ता लागेको छैन ।