मिलन विश्वकर्मा
पाल्पा । विश्वकर्मा समाज नेपाल युएइअन्तर्गत दुबईको चौथो क्षेत्रीय अधिवेशन सम्पन्न भएको छ । अधिवेशनले हुमराज विकको अध्यक्षतामा २१ सदस्यीय नयाँ कार्यसमिति चयन गरेको छ । जसको उपाध्यक्षमा विष्णु बहादुर सुनार, सुरज बिसी, सुष्मा सुनार चयन भएका छन् ।
सचिवमा अमृत विक, सह-सचिवमा विमला असरपति सुनार, कोषाध्यक्षमा राम सङ्गम सुनार, सह–कोषाध्यक्षमा कल्पना सुनार निर्वाचित भएको निर्वाचन समितिका संयोजक बाबुराम विश्वकर्माले बताए ।
यसै गरी सदस्यमा निर्मला विक, धनराज विक, अनीश सुनार, रमेश सुनार, मनिराम विक, श्रीकृष्ण विश्वकर्मा, बाबुराम विक, विकास विक,भविलाल विक, कुमार सुनार, भरत बहादुर सुनार, शान्ति विक, सन्दीप विक रहेका छन् ।
कार्यक्रममा प्रमुख अतिथि समाजका संस्थापक अध्यक्ष एवम् सह–संरक्षक बाबुराम विश्वकर्माले सम्पूर्ण विश्वकर्मा समुदायका मानिस एकजुट भएर अगाडि बढ्नुपर्ने बताए ।
विशिष्ट अतिथि विश्वकर्मा समाज नेपाल युएइका अध्यक्ष दुर्गा सुनारले समाजमा सबै जना आबद्ध भएर अप्ठ्यारोमा परेका नेपालीलाई सहयोग गर्न आवश्यक रहेको बताए ।
कार्यक्रममा व्यवसायी नवीन विक, वरिष्ठ उपाध्यक्ष सुब्बा विश्वकर्मा, उपाध्यक्ष सुमी गहराज, महासचिव गाम बहादुर विक (गगन), व्यवसायी कल्पना सुनार, व्यवसायी राम सङ्गम सुनार, कोषाध्यक्ष बाबुराम सुनार, सह–कोषाध्यक्ष मनु सुनार, सचिव किरण विश्वकर्मा लगायतले शुभकामना दिएका थिए ।
हुमराज विकको अध्यक्षतामा भएको कार्यक्रम सुरज विश्वकर्माले सञ्चालन गरेका थिए ।
वि.सं.२०८१ साउन २१ सोमवार १७:२२ मा प्रकाशित
