हामी सबैकाे संसारन्यूज

भद्रपुर । यहाँको नापी कार्यालयले एक महत्त्वपूर्ण सूचना आफ्नो कार्यालयमा नरहेको बताएको छ । वामपन्थी नेता तथा पुष्पलाल अध्ययन समाजका उपमहासचिव मुकुन्द आचार्यले सूचनाको हक प्रयोग गरी मागेको एक महत्त्वपूर्ण जानकारी सो कार्यालयले उपलब्ध गराउन नसकेको जनाएको हो ।

नापी कार्यालय भद्रपुरका प्रमुख नापी अधिकृत सुनिल आनन्दले आचार्यको निवेदनमा अन्तर्विरोध कुरा बोलेका छन् । उनले भनेका छन् ‘निवेदकले माग गरेको सम्बन्धमा यस कार्यालयमा यकिन तथ्याङ्क नरहेको साथै अन्तर्राष्ट्रिय सिमानासँग सम्बन्धित विषय रहेकोले सो विवरण कार्यालय स्तरबाट उपलब्ध गराउन नसकिएको ब्यहोरा अनुरोध छ ।’

झापा जिल्ला साबिक महेशपुर वडा न २ हालको भद्रपुर ३ र ७ को मेची खोलापारिको नेपाली भूमिको क्षेत्रफल के कति छ भनी निवेदनबाट माग गरेका आचार्यलाई निवेदनकै  कागजमा त्यस्तो जवाफ दिइएको छ ।

नेपालको राष्ट्रिय गानमा सङ्कुचन रहेको तथा मेची र महाकाली पारी  नेपालको भू भाग रहेको भन्दै राष्ट्रपति, प्रधानमन्त्री र दलका नेताहरूसँग आवाज उठाउँदै आएका आचार्य हालै नेपाली भू भागको अवस्था बुझन भद्रपुर पुगेका छन् । यस सम्बन्धमा संसार न्युजसँग आचार्यले भने ‘ राष्ट्रिय अखण्डताको विषयलाई यति हलुका लिनु खेदपूर्ण छ ।