हामी सबैकाे संसारन्यूज

काठमाडौं । आज मंगलवार सुनको मूल्य हाल सम्मकै उच्च भएको छ । आज तोलामा तीन सय रुपैयाँले बढेर सुनको मूल्यले नयाँ कीर्तिमान कायम गरेको हो ।

नेपाल सुनचाँदी व्यवसायी महासंघका अनुसार आज मंगलवार छापावाल सुनको मूल्य प्रतितोला एक लाख ६५ हजार नौ सय रुपैयाँमा कारोबार भइरहेको छ । हिजो सोमवार छापावाल सुन प्रतितोला एक लाख ६५ हजार छ सय रुपैयाँमा कारोबार भएको थियो ।

त्यसैगरी, आज मंगलवार चाँदीको मुल्य पाँच रुपैयाँले बढेको छ । आज चाँदी प्रतितोला दुई हजार एक सय रुपैयाँमा कारोबार भइरहेको महासंघले जनाएको छ । हिजो सोमवार चाँदी दुई हजार ९५ रुपैयाँमा कारोबार भएको थियो ।