काठमाडौँ । स्थानीय तह उपनिर्वाचन अन्तर्गत नेकपा माओवादी केन्द्रले रुकुम पूर्वमा खाता खोलेको छ । पुथा उत्तरगंगा गाउँपाकिलका-२ का माओवादीका उम्मेदवार जगतबहादुर घर्ती निर्विरोध निर्वाचित भएको माओवादीका नेता तथा रुकुम पूर्वका सङ्घीय सांसद पूर्ण घर्तीले जानकारी दिए ।
उनका अनुसार कांग्रेस एमालेको तर्फबाट उम्मेदवारी दिएका जीवन रोकाले उम्मेदवारी फिर्ता लिएपछि घर्ती निर्वाचित भएका हुन् । जगबहादुरको योगदानको उच्च मूल्याङ्कन गर्दै स्व स्फूर्त रूपमा रोकाले उम्मेदवारी फिर्ता लिएको जर्तिले बताए । ‘जगत् समाजका लागि चाहिने र राम्रो मान्छु हुनुहुन्छ । उहाँलाई वडामा ल्याउँदा गाउँ समाजका लागि राम्रो हुन्छ भनेर रोकाले उम्मेदवारी फिर्ता लिनुभएको हो’, पूर्व सांसद जर्तिले भन्नुभयो, ‘कुनै राजनीतिक कारण अथवा दाबी विरोधका कारण उम्मेदवारी फिर्ता लिनुभएको होइन ।
२०७९ को निर्वाचनमा माओवादीका उम्मेदवार जसबहादुर श्रीपालीले २३४ मत ल्याएर विजयी भएका थिए भने कांग्रेसका कर्णबहादुर बुढाले १७९ मत पाएका थिए ।
वि.सं.२०८१ मंसिर ५ बुधवार १३:११ मा प्रकाशित
