हामी सबैकाे संसारन्यूज

काठमाडौँ । रुकुम पूर्वको पुथा उत्तरगंगा गाउँपालिकाको उपाध्यक्षमा सत्ता गठबन्धनका उम्मेदवारलाई पाखा लगाउँदै माओवादीले जित हाँसिल गरेको छ ।

उपाध्यक्षमा माओवादी केन्द्रकी उम्मेदवार नरपुराले ३ हजार ६ सय २७ मत ल्याएर विजयी भएको निर्वाचन आयोगले जनाएको छ ।

कांग्रेसकी उम्मेदवार केशकुमारी तुलाचनले २ हजार १ सय २८ मत प्राप्त गरेकी छन् । तुलाचन एमालेको महिला संगठनकी केन्द्रीय सदस्य हुन् । एमाले र कांग्रेसबिच गठबन्धन भएपछि एमालेकी नेता तुलाचन कांग्रेसको चुनाव चिह्न लिएर उम्मेदवार बनेकी थिइन् ।

यसअघि यस पालिकाको अध्यक्ष र उपाध्यक्ष दुवै माओवादीले जितेको थियो । गाडी दुर्घटनामा उपाध्यक्ष भुपेन्द्रा बुढाको निधनपछि उपनिर्वाचन भएको हो ।