Sansar News
काठमाडौँ । काठमाडौँको कीर्तिपुर नगरपालिकाको नगर प्रमुख पदमा नेपाली काँग्रेस विजयी भएको छ । निकटतम प्रतिद्धोन्दी माओवादी केन्द्रसँग काँग्रेसले झिनो मतान्तरले जित हासिल गरेको हो ।
यहाँ आइतबार भएको उपनिर्वाचनको अन्तिम मत परिणाम अनुसार काँग्रेस उम्मेदवार कृष्णमान डङ्गोल विजयी भएका हुन् । उनी पाँच हजार पाँच सय छ मतसहित विजयी भएका हुन् । उनका निकटतम प्रतिद्वन्द्वी नेकपा माओवादी केन्द्रका प्रा.डा शिवशरण महर्जनले पाँच हजार पाँच ६७ मत प्राप्त गरे । काँग्रेस र माओवादीबिचको मतान्तर चार सय ३६ रहेको छ ।
यहाँ नेकपा एमालेका उम्मेदवार डा. सुरेन्द्र मानन्धर तेस्रो हुन पुगे । सुरुदेखि दोस्रो स्थानमा रहेका मानन्धर अन्तिम मतगणनाका क्रममा तेस्रो भएका हुन् । उनले चार हजार तीन सय २६ मत प्राप्त गरेका छन् ।
स्वतन्त्र उम्मेदवार राजमान महर्जन भने चौथो स्थानमा रहे । उनले दुई हजार ३६ मत प्राप्त गरेको निर्वाचन अधिकृतको कार्यालयले जनाएको छ । यसअघि ०७९ मा भएको स्थानीय तह निर्वाचनमा पनि यहाँ काँग्रेसले नै जितेको थियो ।
वि.सं.२०८१ मंसिर १७ सोमवार २१:५६ मा प्रकाशित
