१२ जेठ, काठमाडौँ । भिबोर सोसाइटी डेभलपमेन्ट बैंक लिमिटेडले रुपन्देही जिल्लाको बुटवल उपमहानगरपालिका वडा नं. १३, देवीनगरमा आफनो ४५ औं शाखा कार्यालयको बिधिवत् शुभारम्भ गरेको जनाएको छ । उक्त शाखाको उद्घाटन नेपाल राष्ट्र बैंक, बैंक तथा वित्तीय संस्था नियमन बिभागका कार्यकारी निर्देशक श्री नारायण प्रसाद पौडेलज्यूले गर्नुभयो । उक्त कार्यक्रमको अध्यक्षता बैंकका अध्यक्ष श्री सुशिल राज पराजुलीज्यूले गर्नुभएको थियो । त्यस क्षेत्रमा रहेका जनतामा सरल र सहज बैकिङ्ग पहुँचको उद्देश्यले उक्त शाखा सञ्चालनमा ल्याइएको कुरा बैंक द्वारा जारि गरिएको बिज्ञप्तिमा जनाईएको छ ।
यस बैंकले आफनो शाखा कार्यालयहरुबाट विभिन्न प्रकारको निक्षेप तथा कर्जा सुविधाका साथै ABBS, Locker, Mobile Banking लगायतका बैंकिङ्ग सेवाहरु उपलब्ध गराउँदै आफनो सेवालाई आधुनिकीकरण र परिमार्जन गर्दै लगेको पनि जनाएको छ । उक्त बैंकको केन्द्रीय कार्यालय काठमाण्डौंमा रही देशका विभिन्नबाट बिभिन्न शाखा सहित कुल ४५ वटा शाखा सञ्जालहरु र १२ वटा ATM बाट आफना बैकिङ्ग सेवा प्रदान गर्दे आएको छ ।
