काठमाडौँ । नेकपा एमाले विहादी गाउँपालिकाको अध्यक्षमा दुर्गाप्रसाद भुसाल सर्वसम्मतले चयन भएका छन् । विहादी गाउँपालिका–३, पोखराचौरमा सम्पन्न पालिकाको दोस्रो अधिवेशनले ३९ सदस्यीय नयाँ समिति सर्वसम्मतले चयन गरेको हो ।
समितिको उपाध्यक्षमा मोतीलाल थापा, सचिवमा गोपाल पौडेल, सहसचिवमा खिमबहादुर थापा र नन्दु गुरुङ, लेखा समिति संयोजकमा घनश्याम आचार्यसहित बाँकी सदस्यमा चयन भएका छन् ।
निर्वाचित भए पश्चात् अध्यक्ष दुर्गाप्रसाद भुसालले न्याय तथा विधिको पक्षमा विहादीवासीहरुलाई गोेलवन्द गर्दै लैजाने प्रतिबद्धता जनाए । उनले एमालेप्रतिको जनविश्वासलाई व्यवहारिक रूपमा पुष्टि गर्ने गरी आफ्नो समितिलाई अगाडी बढाउने सङ्कल्प गरे ।
वि.सं.२०८१ माघ १३ आइतवार १४:४५ मा प्रकाशित
