Sansar News
काठमाडौं । काठमाडौंको बुढानिलकण्ठ नगरपालिकाका महिलाहरुले रक्तदान कार्यक्रम आयोजना गरेका छन् । बुधवार बुढानिलकण्ठ नगरपालिका वडा नं. ३ मा अखिल नेपाल महिला संघ क्रान्तिकारी बुढानिलकण्ठ नगर समितिले रक्तदान कार्यक्रम आयोजना गरेको हो ।
सो कार्यक्रममा नेकपा माओवादी केन्द्रका नेता सुनिल मानन्धर र बुढानिलकण्ठ नगरपालिकाका मेयर मिठाराम अधिकारी लगायतको उपस्थिति रहेको थियो । सो कार्यक्रममा ५० जनाले रक्तदान गरेको महिला नेतृ कमला गौतमले बताएकी छ्न ।
बुढानिलकण्ठमा सामाजिक उत्तरदायित्वमा महिलाहरुको भुमिका बढ्दै गएको बताईएको सो कार्यक्रममा मेयर मिठाराम अधिकारीले रक्तदाताहरुलाई प्रमाणपत्र प्रदान गरेका थिए ।
वि.सं.२०८१ माघ १८ शुक्रवार ०७:४० मा प्रकाशित
