स्याङ्जा । नेपाल तारा युवा क्लबको १८औँ वार्षिकोत्सव सम्पन्न भएको छ । क्लबले वार्षिकोत्सवको अवसरमा क्लब स्तरीय पुरुष भलिबल प्रतियोगिता एवम् विविध सांस्कृतिक कार्यक्रम समेत आयोजना गरेको थियो ।
समापन समारोहमा गल्याङ नगरपालिका नगरप्रमुख गुरु प्रसाद भट्टराईले युवाहरू सकारात्मक सोचका साथ अगाडि बढ्नुपर्ने बताए । उनले खेलले व्यक्तिलाई शारीरिक तथा आर्थिक हिसाबले मजबुत बनाउन सक्ने बताए । नगरप्रमुख भट्टराईले समाजको विकास र समृद्धिका लागि एकताबद्ध हुन सुझाव दिए ।
कार्यक्रममा नगर उपप्रमुख हेमा न्यौपाने, गल्याङ नगरपालिकाका प्रवक्ता कृष्णप्रसाद भट्टराई, टोल सुधार समितिका अध्यक्ष पदमबहादुर गाहा, लक्ष्मण भुसाल, नेपाली काङ्ग्रेस महाधिवेशन प्रतिनिधि चन्द्र राना लगायतले बोलेका थिए ।
क्लबका सदस्य अर्जुन विश्वकर्माका अनुसार भलिबल प्रतियोगितामा आयोजक नेपाल तारा युवा क्लब प्रथम भएसँगै ५१ हजार पाँच सय ५५ रुपैयाँ पुरस्कार प्राप्त गरेको छ । द्धितिय भएको न्यु क्रियटिभ थानपाटाले ३३ हजार तीन सय ३३ रुपैयाँ र तृतीय भएको सगरमाथा युवा क्लब खुसीलोले ११ हजार एक सय ११ रुपैयाँ पुरस्कार पाएको छ । शान्तवना भएको आयोजक नेपाल तारा युवा क्लबले ११ हजार एक सय ११ रुपैयाँ पुरस्कार पाएको छ भने सबै विजेता समूहलाई शिल्ड मेडल र प्रमाणपत्र दिइएको छ ।
नेपाल तारा युवा क्लबका अध्यक्ष विशाल थापाको अध्यक्षतामा भएको कार्यक्रमका स्वागत मन्तव्य क्लबका सदस्य अर्जुन विश्वकर्माले गरेका थिए भने सञ्चालन सचिव प्रदीप भुसालले गरेका थिए ।
वि.सं.२०८१ माघ २० आइतवार १२:१६ मा प्रकाशित
