Sansar News
काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले पाथीभरामा केबलकार बनाउने नाममा ज्यादती गरेको भन्दै त्यसलाई अहिले बनाउन जरुरत नभएको बताएका छन् ।
आइतबार पत्रकार सम्मेलन गरेर उनले कुनै व्यापारीको फाइदाका लागि, केही राजनीतिक नेताहरूको कमिसनका लागि, केही राजनीतिक नेताको सेयर सुरक्षाको लागि जनतामाथि गोली चलाइ, जनतामाथि निर्मम दमन गरी केबलकार बनाउन जरुरत नरहेको बताएका हुन् ।
केबलकार निर्माणले स्थानीय मौलिकतामा हानी नगर्ने निश्चित भएपछि मात्रै त्यसलाई अगाडि बढाउनुपर्ने मत लिङ्देनको छ । ‘उनले भने, ‘त्यसले स्थानीय जनतालाई कति फाइदा गर्छ ? त्यसले त्यहाँको मौलिकताको सुरक्षा गर्छ कि गर्दैन ? त्यहाँको सनातन परम्परामाथि आक्रमण हुन्छ कि हुँदैन? सनातन परम्पराको सुरक्षा हुन्छ कि हुँदैन?त्यसको विश्लेषण गरेर मात्रै यस्ता विषयहरू अगाडि बढाउनुपर्छ ।’
केबलकार निर्माण प्रक्रिया तत्काल रोक्न र आतङ्कको वातावरण निर्माण गर्न लिङ्देनले सरकारसँग आग्रह समेत गरे ।
वि.सं.२०८१ माघ २० आइतवार १७:१८ मा प्रकाशित
