हामी सबैकाे संसारन्यूज

ताप्लेजुङ । नेकपा (माओवादी केन्द्र) का वरिष्ठ उपाध्यक्ष नारायणकाजी श्रेष्ठले माओवादी पार्टी सरकार नयाँ सरकार बनाउन वा गिराउने दाउमा नरहेको बताएका छन् ।

प्रेस सेन्टर ताप्लेजुङद्वारा आज आयोजित पत्रकार सम्मेलनमा बोल्दै उनले माओवादी केन्द्र अहिले सरकार बनाउने वा गिराउनेभन्दा पनि सङ्गठन बलियो बनाउनतर्फ लागेको स्पष्ट पारे ।

‘माओवादी केन्द्र अहिले सरकार ढाल्ने तथा बनाउने पक्षमा छैन । सङ्गठन बलियो बनाउनतर्फ पार्टी केन्द्रीत भइरहेको छ । पूर्ण समानुपातिक निर्वाचन प्रणाली, प्रत्यक्ष कार्यकारी प्रणाली र शान्ति प्रक्रियाका बाँकी काम पूरा गर्न सरकारसँग वार्ता भइरहेको छ,’ उनले भने ।