Sansar News
काठमाडौँ । प्रधानमन्त्री केपी शर्मा ओलीले फागुन २७ गते कोशी प्रदेशसभालाई सम्बोधन गर्ने भएका छन् । प्रदेश सरकारको आज बसेको मन्त्रिपरिषद् बैठकले प्रधानमन्त्री ओलीले प्रदेश सभामा गर्ने सम्बोधनको तयारी गर्न प्रदेश सभालाई आग्रह गर्ने निर्णय गरेको हो ।
प्रदेशका आन्तरिक मामिला तथा कानुन मन्त्री एवं सरकारका प्रवक्ता रेवती रमण भण्डारीले यहि फागुन २७ गते प्रधानमन्त्रीले गर्ने सम्बोधनको तयारी गर्न प्रदेशसभालाई आग्रह गर्ने निर्णय भएको जानकारी दिए ।
त्यस्तै बैठकले कडा रोग लागेका बिरामीहरूका लागि दिँदै आएको सहयोग रकम वितरण गर्ने निर्णय पनि गरेको छ । ८ करोड ६० लाख रुपैयाँ थप निकासा गर्ने निर्णय गर्दै बिरामीहरूलाई सहयोग रकम वितरण गर्ने निर्णय गरेको हो ।
वि.सं.२०८१ फागुन २३ शुक्रवार ११:४५ मा प्रकाशित
