Logo
५ माघ २०७८, बुधबार
     Wed Jan 19 2022
E-paper
  English Edition
   Unicode
Logo

सबैलाई सहभागी गराउन निर्वाचन सार्नुपरेको हो : सञ्चारमन्त्री



१७ जेठ, दमक । सूचना तथा सञ्चारमन्त्री सुरेन्द्रकुमार कार्कीले दोस्रो चरणको निर्वाचनमा सवैलाई सहभागी गराउन सरकारले निर्वाचनको मिति सारेको बताउनुभएको छ ।

नेकपा माओवादी केन्द्रले आज झापाको कमल गाउँपालिकाको क्याम्पा बजारमा आयोजना गरेको उम्मेदवारी घोषणा कार्यक्रमलाई सम्बोधन गर्दै मन्त्री कार्कीले अब भने घोषित मितिमा दोस्रो चरणको निर्वाचन निष्पक्ष, धाँधलीरहित हुने उल्लेख गर्नुभयो ।

उहाँले मधेसमा आन्दोलित राष्ट्रिय जनता पार्टीलाई चुनावमा सहभागी गराउन असार १४ गते निर्वाचन सार्नुपरेको स्पष्ट पार्नुभयो ।

दोस्रो चरणको निर्वाचनमा कसैले शङ्का नगर्न आग्रह गर्र्दै मन्त्री कार्कीले पहिलो चरणको निर्वाचनबाट देशले एक फड्को मारेको छ भन्नुभयो । उहाँले माओवादीमा राजनीतिक इमान्दारिता भएको भन्दै सहमतिअनुसार प्रधानमन्त्री पुष्पकमल दाहालले पदबाट राजीनामा दिएको उल्लेख गर्नुभयो ।

कमल गाउँपालिकामा उम्मेदवार घोषणा

माओवादी केन्द्रले कमल गाउँपालिकाको अध्यक्षमा अधिवक्ता विमल सङ्ग्रौलालाई उम्मेद्वार बनाएको छ । यस्तै उपप्रमुखमा गौरी राई उम्मेदवार बन्नु भएको छ ।

त्यसैगरी सो गाउँपालिकाको सातैवटा वडामा वडा अध्यक्षसहित सबै पदको टुङ्गो लगाएको छ । जसअनुसार वडा नम्बर १ को अध्यक्षमा पर्शुराम सुवेदी, २ को अध्यक्षमा प्रताव सुब्बा, ३ को अध्यक्षमा छत्रहाङ फागो, ४ को वडा अध्यक्षमा सूर्यप्रसाद सुब्बा, ५ को वडा अध्यक्षमा नरमाया तामाङ, वडा नम्बर ६ को अध्यक्षमा कलमराज सङ्ग्रौला र ७ नम्बरको वडाअध्यक्षमा रविन गुरुङलाई उम्मेद्वार बनाएकोे छ । रासस


यो खबर पढेर तपाईलाई कस्तो महसुस भयो ?

५ माघ, काठमाडौँ । होबार्ट हरिकेन्स विरुद्ध मेलबर्न स्टार्सका कप्तान ग्लेन म्याक्सवेलले १५४ रनको

काठमाडौं । सरकारी सेवाका २२ वर्षमा एक उपसचिवले निकै तरक्की गरेको समाचार सार्वजनिक भएको

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक