Sansar News
काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्ड भोलि (बुधबार) बुटवल जाँदै छन् । मगर राष्ट्रिय मुक्ति मोर्चा नेपालको छैटौँ राष्ट्रिय सम्मेलन उद्घाटन गर्न उनी बुटवल जान लागेका हुन् ।
मोर्चाका केन्द्रीय अध्यक्ष गणेश सलामी मगरले बुटवलमा हुने सम्मेलनको पार्टी अध्यक्ष पुष्पकमल दाहाल प्रचण्डले उद्घाटन गर्ने कार्यक्रम रहेको जानकारी दिए । उनका अनुसार ट्राफिक चोकमा हुने सभामा देशभरिबाट करिब १ हजार प्रतिनिधिहरूसहभागी हुनेछन् ।
सभालाई अध्यक्ष प्रचण्ड लगायत केन्द्रीय नेताहरू नारायणकाजी श्रेष्ठ, पूर्वसभामूख ओनसरी घर्तीमगर, सुरेश आलेमगर लगायतले सम्बोधन गर्ने मोर्चाका प्रवक्ता जीवन प्रवेश रोकामगरले जानकारी दिए ।
वि.सं.२०८१ फागुन २७ मंगलवार १२:०२ मा प्रकाशित
