Logo
६ माघ २०७८, बिहीबार
     Thu Jan 20 2022
E-paper
  English Edition
   Unicode
Logo

विद्यालयमा आगजनीपछि विद्यार्थी रुदै घर फर्किए



१७ जेठ,खोटाङ  । आगलागीमा परी विद्यालय ध्वस्त भएपछि खोटाङको रुपाकोट मझुवागढी नगरपालिका–१२ जालपास्थित ज्योति माविको पठनपाठन बन्द गरिएको छ ।

स्थानीयवासी सुतिसकेपछि अज्ञात समूहले सोमबार राति विद्यालयमा आगजनी गरेपछि अर्को विकल्प नभएसम्मका लागि पठनपाठन बन्द गरिएको छ ।

जिल्लाको नमुना मानिएको ज्योति माविमा अहिले २६१ विद्यार्थी अध्ययनरत छन् । अज्ञात समूहले विद्यालयमा आगजनी गरेपछि मङ्गलबार बिहान विद्यालय आएका विद्यार्थी रुदै घर फर्किएका प्रधानाध्यापक टीकाबहादुर श्रेष्ठले बताउनुभयो ।

अज्ञात समूहले गरेको आगजानीबाट विद्यालयको दुई कोठे भवनको प्रशासन कक्ष, पुस्तकालय, लेखा र कक्षा कोठासहित नौंवटा कोठा ध्वस्त बनेको छ । राति करिब १२ बजे सुरु भएको आगोले विद्यालयको प्रशासन कक्षमा राखिएको १० थान दराज, टेबल, कुर्सी, विद्यालयसँग सम्बन्धित कागजात, शैक्षिक सामग्रीलगायत जल्दा करिब रु साँढे दुई करोड बढीको क्षति भएको प्रहरीले जनाएको छ ।

२०४६ सालमा स्थापना भएको विद्यालयको आगलागीका कारण खुल्न सकेको छैन ।

विद्यालयको चारैतिरबाट एकैपटक आगो लाग्न सुरु भएका कारण नियोजितरुपमा कसैले आगो लगाइएको अभिभावकले दाबी गरेका छन् ।

जिल्लामा निजी विद्यालयमा मात्र अङ्ग्रेजी माध्यमबाट पठन–पाठन हुने समयमा ज्योति माविले २०६५ सालदेखि अङ्ग्रेजी माध्यमबाट पठन–पाठन सुरु गरेको थियो । सो विद्यायलले जिल्लामा नमुना विद्यालयका रुपमा पहिचान बनाएको छ । रासस


यो खबर पढेर तपाईलाई कस्तो महसुस भयो ?

५ माघ, काठमाडौँ । होबार्ट हरिकेन्स विरुद्ध मेलबर्न स्टार्सका कप्तान ग्लेन म्याक्सवेलले १५४ रनको

काठमाडौं । सरकारी सेवाका २२ वर्षमा एक उपसचिवले निकै तरक्की गरेको समाचार सार्वजनिक भएको

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक