Sansar News
काठमाडौं । नेपाली बजारमा आज सुनको मूल्य बढेको छ । सुनको मूल्य आज तोलामा दुई हजार रुपैयाँले बढेको हो ।
नेपाल सुनचाँदी व्यवसायी महासङ्घका अनुसार बुधबार छापावाल सुनको मूल्य प्रतितोलाको एक लाख ७५ हजार ४ सय रुपैयाँमा कारोबार भइरहेको छ । मंगलबार सुन प्रतितोला एक लाख ७३ हजार ४ सय रुपैयाँमा कारोबार भएको थियो ।
यस्तै, आज चाँदीको मूल्य भने पनि बढेको छ । आज चाँदी प्रतितोला एक हजार ८३५ रुपैयाँमा कारोबार भइरहेको महासङ्घले जनाएको छ । मंगलबार प्रतितोला चाँदी एक हजार ८३० रुपैयाँमा कारोबार भएको थियो ।
वि.सं.२०८१ चैत २७ बुधवार १२:२७ मा प्रकाशित
