Sansar News
काठमाडौं । आज नेपाली बजारमा सुनको मूल्य हालसम्मकै उच्च विन्दुमा पुगेको छ । आज सुनको मूल्य तोलामा ६ हजार ९ सय रुपैयाँले बढेर हाल सम्मकै उच्च विन्दुमा पुगेको हो ।
नेपाल सुनचाँदी व्यवसायी महासङ्घका अनुसार आज मंगलबार छापावाल सुनको मूल्य तोलाको एक लाख ९७ हजार ९ सय रुपैयाँमा कारोबार भइरहेको छ । सोमबार सुन तोलाको एक लाख ९१ हजार रुपैयाँमा कारोबार भएको थियो ।
त्यस्तै, आज चाँदीको मूल्य पनि बढेको छ । आज चाँदी एक हजार ९ सय ७० रुपैयाँमा कारोबार भइरहेको महासङ्घले जनाएको छ । सोमबार चाँदी एक हजार ९ सय ६० रुपैयाँमा कारोबार भएको थियो ।
वि.सं.२०८२ वैशाख ९ मंगलवार ११:२६ मा प्रकाशित
