हामी सबैकाे संसारन्यूज

स्याङ्जा । भीरकोट नगरपालिका १ लामाचौर स्थित सिद्धार्थ राजमार्गमा सोमबार बिहान साढे सात बजे बोइलर कुखुरा बोकेको बलेरो जिप दुर्घटना भएको छ ।

जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक प्रवेश तिवारीका अनुसार दाङबाट पोखरातर्फ जाँदै गरेको ग.३ च. ६४३३ नम्बरको बोईलर कुखुरा बोकेको बलेरो जिप ब्रेक फेल भई सडक छेउको पर्खाल र प्रतीक्षालयमा ठोक्किन पुगेको छ ।
दुर्घटनाग्रस्त जिपमा रहेका चार सय ५० बोईलर कुखुरा मध्ये तीन सय वटा मरेका छन् । मानवीय क्षति भने भएको छैन ।

यस्तै यस अघि आइतबार राति साढे नौ बजे हरिनास गाउँपालिका ६ गैरा खोला राजस्वारा स्थित भित्री सडक खण्डमा जिप दुर्घटना भएको छ ।

सूचना अधिकारी तिवारीका अनुसार वालिङबाट क्याटमी जाँदै गरेको ग. १ ज. ५७०३ नम्बरको बलेरो जिप ब्याग गर्ने क्रममा ब्रेक नलागेपछि दुर्घटना भएको हो ।

जिप बाटो देखि करिब पाँच सय मिटर तल रहेको सिस्ने खोलामा खसेको थियो । दुर्घटनामा गाडी पूर्ण रूपमा क्षति भएको भएपनि मानवीय क्षति नभएको तिवारीको भनाइ छ । दुवै घटनाको सम्बन्धमा थप अनुसन्धान भई रहेको छ ।