Sansar News
स्याङ्जा । स्याङ्जामा सिरक डसनामा आगोलागी हुँदा १४ लाख ५० हजार बरारकोे क्षति भएको छ ।
नुवाकोट जिल्ला मेगन गाउँपालिका ५ घर भई हाल वालिङ नगरपालिका ६ मिर्दीमा रमेश तामाङले सञ्चालन गरेको सिरक डसना उद्योगमा आगोलागी भएको जिल्ला प्रहरी कार्यालय स्याङ्जाका सूचना अधिकारी प्रवेश तिवारीले बताए ।
तिवारीका अनुसार शुक्रबार दिउँसो एक बजे तामाङको आलमदेबी सिरक डसना उद्योगमा मेसिन चलिरहेको अवस्थामा अचानक बिजुली सट भई आगोलागी भएको थियो ।
उद्योगमा आगोलागीबाट मानविय क्षति भने भएको छैन । कपडा पेल्ने मेसिन लगायत फाइवर लत्ता कपडा जल्दा करिब १४ लाख ५० हजार रुपैयाँ बराबरको क्षति भएको छ । घटनाको सम्बन्धमा थप अनुसन्धान कार्य भइरहेको छ ।
वि.सं.२०८२ वैशाख २० शनिवार ०८:१८ मा प्रकाशित
