Sansar News
काठमाडौं । सोमबारको तुलनामा स्थानीय बजारमा आज सुनचाँदीको मूल्यमा सामान्य गिरावट आएको छ ।
नेपाल सुनचाँदी व्यवसायी महासङ्घका अनुसार आज प्रतितोला सुनको मूल्य एक लाख ९० हजार रुपैयाँ कायम भएको छ । सोमवार सोही परिमाणको पहेँलो धातु एक लाख ९० हजार ६०० रुपैयाँमा खरिदबिक्री भएको थियो ।
चाँदीको मूल्यमा पनि घटेको छ । आज प्रतितोला चाँदी दुई हजार एक सय ५० रुपैयाँमा कारोबार भइरहेको छ । सोमवार प्रतितोला चाँदी दुई हजार एक सय ६५ रुपैयाँमा किनबेच भएको थियो ।
अन्तरराष्ट्रिय बजारमा आज एक औँस सुन तीन हजार ३१६ अमेरिकी डलरमा कारोबार भइरहेको अन्तरराष्ट्रिय सञ्चारमाध्यमहरूले जनाएका छन् ।
वि.सं.२०८२ जेठ २७ मंगलवार १३:२४ मा प्रकाशित
