Sansar News
२३ जेठ, सल्यान । पहिलो चरणअन्तर्गत वैशाख ३१ गते सम्पन्न स्थानीय तहको निर्वाचनमा असहयोग गर्ने १६ जना नेपाली काँग्रेसका नेता तथा कार्यकर्तालाई पार्टीले कारबाही गरेको छ ।
स्थानीय तहको चुनावमा पार्टीका उम्मेदवारलाई सहयोग नगरी अन्तरघात गरेको भन्दै उनीहरूलाई पार्टीले कारवाही गरेको सो पार्टी जिल्ला शाखाले जनाएको छ ।
यसरी कारबाहीमा पर्नेमा महाधिवेशन प्रतिनिधिदेखि नगर सभापतिसम्म छन् । छत्रेश्वरी गाउँपालिकाबाट केशबहादुर विष्ट, डम्बर खत्री र दिपेन्द्र कुँवर, कपुरकोट गाउँपालिकाबाट विष्णु शर्मा र खड्क केसी तथा शारदा नगरपालिकाबाट तुल्सीराम बस्नेत, टोपबहादुर मल्ल र शावित्रा राईलाई पार्टीको साधरण सदस्यसमेत नरहने गरी कारबाही गरिएको काँग्रेस सल्यानले जनाएको छ ।
यसअघि नेकपा (एमाले)ले पनि पार्टीभित्र अन्तरघात गरेको भन्दै २० जना नेता तथा कार्यकर्तालाई कारबाही गरेको थियो । रासस
वि.सं.२०७४ जेठ २३ मंगलवार ०३:१५ मा प्रकाशित
