Sansar News
ढोरपाटन (बागलुङ) । पूर्व सांसद गोविन्दप्रसाद शर्मा कँडेलको निधन भएको छ । उनको ८७ वर्षको उमेरमा आज निधन भएको हो ।
चितवनदेखि काठमाडौँ उपचारका लागि जाने क्रममा कँडेलको निधन भएको नेपाली कांग्रेस बागलुङका सभापति जितबहादुर शेरचनले जानकारी दिए ।
विसं २०४८ को प्रतिनिधिसभा निर्वाचनमा बागलुङ क्षेत्र नम्बर १ बाट निर्वाचित ुभएका कँडेलका दुई छोरा र एक छोरी हुनुहुन्छ । कँडेल लामो समयदेखि मुटुको रोगबाट पीडित थिए ।
कँडेलले २०३७ सालदेखि २०४८ सालसम्म नेपाली कांग्रेस जिल्ला कार्यसमिति बागलुङको नेतृत्व गरेका थिए । हाल उनी जेष्ठ राजनीतिज्ञ सभाका केन्द्रीय सदस्य थिए ।
वि.सं.२०८२ असार १५ आइतवार २०:५३ मा प्रकाशित
