हामी सबैकाे संसारन्यूज

काठमाडौँ । आपत विपद्मा नागरिकको साथ र सहयोगमा जुट्दै आएको नेपाली कम्युनिष्ट पार्टी (नेकपा) सम्बद्ध युवा दस्ता वाइसिएल (योङ कम्युनिष्ट लिग, नेपाल) भोटेकोशी बाढी पीडितको उद्धार तथा राहत वितरणका लागि रसुवा र नुवाकोटका प्रभावित क्षेत्रमा अग्रणी संगठनका रुपमा अहोरात्र खटिएको छ ।

अध्यक्ष पुष्प ओलीको नेतृत्वमा उद्धार, राहत तथा सहयोगका लागि वाईसीएल ले टोली परिचालन गरेको छ । सो संगठनका अनुसार सो टोलीले पहिलो चरणमा खाना पकाउने एलपी ग्याँस, दाल चामल लगायत खाद्यान्न लगायतका सामान होल्डिङ सेन्टरमा पु¥याएर फर्किएको हो ।

त्यसैगरी बिहिबार वाइसिएलले ५० थान डस्ना ५० थान ब्ल्याङकेट ५० थान कुर्ता सुरुवाल सेनेटरि प्याड लगायत सामान पनि तुप्चेको होल्डिङ सेन्टरमा पु¥याएको छ ।

अध्यक्ष ओलीका अनुसार बाढी प्रभावितको उद्धार, राहत तथा सहयोगका लागि वाईसीएल नेपालका ६०० स्वयंसेवक परिचालन गरिएको छ ।

वाइसिएलले बाढीका कारण घाइते भएका नागरिकको उपचारमा रगतको अभाव हुन नदिन भोटेकोसी घटनाको भोलिपल्टैबाट वाईसीएलले आपत्कालीन रक्तदान कार्यक्रम गरेको थियो । जसमा १७० जनाले रक्तदान गरेका थिए ।

उनका अनुसार जिल्ला प्रशासन, सुरक्षा निकाय तथा स्थानीय तहसँग समन्वय गरी रसुवा, नुवाकोट, धादिङ, गोरखा र चितवनलगायतका जिल्लामा वाईसीएलका स्वयंसेवक टोली परिचालन गरिएको छ।

धुन्चेमा रहेका बाढी पीडितका लागि अत्यावश्यक राहत सामग्रीसहित सहयोग हस्तान्तरण गरेको अध्यक्ष ओलीले जानकारी दिए । ‘विपद्को समयमा जनताको दुःखमा साथ दिनु हाम्रो जिम्मेवारी हो’ भन्ने नारासहित वाइसिएलको लोगो अंकित ज्याकेट लगाएकाहरू राहत वितरणमा खटिएको छ ।