Sansar News
काठमाडौँ । बागमती प्रदेशका ४ जना मन्त्रीहरुले एकसाथ राजीनामा दिएका छन् । राजीनामा दिनेहरुमा युवा तथा खेलकुद मन्त्री मिनकृष्ण महर्जन, आन्तरिक मामिला तथा कानुनमन्त्री सुरजचन्द्र लामिछाने, संस्कृति तथा पर्यटन मन्त्री विमल ठकुरी र सहकारी तथा गरिबी निवारणमन्त्री मधुकुमार श्रेष्ठ रहेका छन् ।
वर्तमान प्रदेश सरकारका प्रवक्ता एवम् आन्तरिक मामिला तथा कानुनमन्त्री सुरजचन्द्र लामिछानेले वर्तमान सरकारको काम कारबाही चित्त नबुझेर राजीनामा दिन लागेको पुष्टि गरे ।
बागमतीमा मुख्यमन्त्रीसहित १४ वटा मन्त्रालय छन् । जसमध्ये सत्ता गठबन्धनमा आबद्ध दल नेकपा एमालेका ६ जना मन्त्री र कांग्रेसबाट सरकारमा ८ जना मन्त्री रहेका छन् ।
वि.सं.२०८२ साउन ९ शुक्रवार १५:३३ मा प्रकाशित
