नवलपुर । देवचुली नगरपालिका नवलपुर अन्तरर्गत मध्यवर्ती क्षेत्र अन्तरगतका भूमिहिन दलित, भूमिहिन सुकुम्वासी तथा अव्यवस्थित बसोबासीहरुको जग्गा नापजाँच गर्न अनुरोध गरेको छ ।
ननगरपालिकाले त्यहाँ बसोवास गर्नेहरुको जग्गा नापजाँच लगायतका व्यापार, व्यवसाय, उद्योग, कलाकारखाना स्थापना तथा संचालन, विकास निर्माण समबन्धी कार्यमा झन्झटिलो प्रक्रिया र अवरोध सृजना हुन गएको भन्दै आम नागरिकको जीविकोपार्जनमा समेत समस्या रहेको चितवन राष्ट्रिय निकुञ्जलाई जानकारी गराएकाो छ ।
नगरप्रमुख हरिप्रसाद न्यौपानलेले चितवन राष्ट्रिय निकुञ्जका प्रमुख संरक्षण अधिकृतलाई पत्र नै लेखेर उक्त क्षेत्रमा बसोबास गर्ने नागरिकहरुको मध्यवर्ती क्षेत्रबाट हटाइनु पर्ने भन्ने माग दिनानुदिन आई रहेको भन्दै मध्यवर्ती क्षेत्र नियमावली २०५२ अनुसार सिमाइन भएको मध्यवर्ती क्षेत्रलाई संशोधन गरी नारायणी किनार संगै मानव बस्ती देखि दक्षिण तर्फ मात्र क्षेत्र कायम हुने गरी पुनः सिमाङ्कन गर्न अनुरोध गरेका छन् ।
पत्रमा सिमा निर्धारण संशोधन नभए सम्मका लागि यस नगरपालिका क्षेत्र भित्रका मध्यवर्ती उपभोक्ता समितिका निर्वाचनका सम्पूर्ण प्रक्रियाहरु स्थागन गर्नका लागि नगर कार्यपालिकाको निर्णयानुसार अनुरोध समेत गरिएको छ ।
वि.सं.२०८२ साउन २२ बिहीवार ११:१६ मा प्रकाशित
