Sansar News
काठमाडौं । प्रधानमन्त्री केपी ओलीले आज सदनलाई सम्बोधन गर्ने भएका छन् । उनले दिउँसो १ बजे बस्ने प्रतिनिधिसभा बैठकलाई सम्बोधन गर्ने तय भएको एमालेका मुख्य सचेतक महेश बर्तौलाले बताए ।
बर्तौलाका अनुसार प्रधानमन्त्रीले तुर्कमेनिस्तान भ्रमण, सरकारका उपलब्धि लगायत समसामयिक विषयमा सम्बोधन गर्नेछन् ।
तुर्कमेनिस्तानको अवाजा सहरमा सम्पन्न भूपरिवेष्टित विकासशील राष्ट्रहरूको तेस्रो संयुक्त राष्ट्रसङ्घीय सम्मेलनमा सहभागी भई प्रधानमन्त्री ओली यही साउन २३ गते स्वदेश फर्किएका हुन् ।
वि.सं.२०८२ साउन २८ बुधवार ११:५६ मा प्रकाशित
