हामी सबैकाे संसारन्यूज

काठमाडौं । काठमाडौँ स्थित भृकुटी मण्डपमा नाडा अटो शो २०२५ सुरु भएको छ । नाडा अटोमोबाइल्स एशोसिएशन अफ नेपालले अटो शो आयोजना गरेको हो ।

शो को प्रधानमन्त्री केपी शर्मा ओलीले उद्घाटन गर्दै अवको समय र संसार युवाहरुको भएको बताए । युवाको नेतृत्व भएकै कारण उनले नाडाले यो पटक एतिहासिक कार्य सुरुवात गर्न सकेको बताए । उनले नाडाले उड्ने कार, रोबर्ट, फिचर लोडेड लगायतका साधन नेपालमा भित्राएर विकास र आधुनिकतालाई संस्थागत गर्न खोजेको बताए ।

‘युवाहरु अगाडि बढ्नुपर्छ । म पद छोड्न तयारछु । तर, युवाहरु देशको नेतृत्व गर्न तयार हुनुपर्यो’, प्रधानमन्त्री ओलीले भने, ‘सरकारको नीति तथा कार्यक्रम सबैलाई सहयोग पुग्ने छ । हाम्रा नीति उद्यम तथा व्यवसायी मैत्री छन् । ढुक्क भएर लगानी गर्दा हुन्छ ।’

नाडा अटो शोमा यो पटकको मुख्य आकर्षण उड्ने कार भएको छ । उद्घाटन समारोहमाा उड्ने कार हेर्न आउने दर्शकको बाक्लो चाप थियो । यस्तै आयोजकले रोबर्टको प्रयोग गरेर शोलाई विषेश बनाउने प्रयास समेत गरेको छ ।

मंगलबारदेखि सुरु भएको शो भदौ ८ गतेसम्म संचालन हुनेछ । शोमा अधिकांश सवारीहरु विद्युतिय छन् । चीन तथा भारतमा उत्पादन हुने अत्याधुनिक गाडी, मोटरसाइकल, स्कुटर, माइक्रो बस शो मा देख्न पान्छ ।

सवारी खरिदकर्तालाई बिक्रेताहरु आकर्षक छुट तथा उपहारको समेत व्यवस्था गरेका छन् । कार्यक्रममा अर्थमन्त्री विष्णु पौडेल, उद्योग वाणिज्य महासंघका अध्यक्ष चन्द्र ढकाल लगायतको उपस्थिति थियो ।