हामी सबैकाे संसारन्यूज

काठमाडौं । नेकपा एकीकृत समाजवादीका पोलिटब्युरो सदस्य रामकुमारी झाँक्रीले फेसबुकलगायत सामाजिक सञ्जाल सक्रिय गर्ने सरकारको निर्णयलाई समर्थन गरेकी छन् ।

तोकिएको समयसीमाभित्र दर्ता हुन नमानेका फेसबुकलगायत सामाजिक सञ्जाल सरकारले देशमा निष्क्रिय (बन्द) बनाएपछि सत्तारुढ दलकै नेताहरुले विरोध गरिरहेका बेला झाक्रीले भने समर्थन गरेकी हुन् । पूर्वमन्त्रीसमेत रहेकी झाँक्रीले सामाजिक सञ्जाललाई नियमन गर्नु अभिव्यक्ति स्वतन्त्रमा रोक लगाएको मान्न नहुने तर्क गरेकी छन् ।

‘सोसल मिडिया र भर्चुअल प्लाटफर्मलाई नियमित र नियमन गर्नु भनेको वाक स्वतन्त्रतालाई बन्देज गर्नु होइन। हामी नागरिकले आफ्नो अधिकार र दायित्वलाई सँगसँगै लिनु गर्नुपर्छ’, उनले भनेकी छन्, ‘मानौँ, पशुपतिनाथको दर्शन गर्न पाउनु नागरीकको अधिकार हो। तर हजारौँ मान्छेलाई दर्शन गर्न सहजताको लागि कानुनबमोजिम पशुपति विकास कोष र त्यहाँ क्रियाशील संस्थाहरूले बनाएको नियम मान्नु सबै दर्शनार्थीको कर्तव्य हुन्छ। बनाएको लाइनममा बसेर तोकिएको गेटबाट मात्र दर्शन गर्नुपर्छ। त्यस्तै हो यो पनि। वाक स्वतन्त्रता छ तर गालीबेज्जती गर्न पाइन्न । नियमन हुनुपर्छ ।’